Hvernig á að breyta um umræðuefni 101

Staðreynd 

Rúllustigar geta ekki bilað
þeir verða bara að stiga.....
-----------------------------------------------------

Þarafleiðandi næst þegar konan þín bilast út af engu, getur þú sagt eftirfarandi setningu,
Ég vildi að þú værir rúllústigi.
Hún spyr hissa : afhverju?
Þú svarar : nei bara því þú ert biluð.
Enn meira hissa : og afhverju villtu þá að ég sé rúllustigi?

Og wammm , þú skýrir það út og ert í leiðinni búinn að skipta um umræðuefni, og næsta klukkutímann talar þú  og konan þín um rúllustiga...

Uppgvötaði nefnilega nýlega að konan mín er færari en ég í samræðulistinni, hún svona stjórnar
umræðunni á heimilinu,,,en ekki lengi, ég er með plön

Stofan tekin út í tvöfaldri handsprengjuárás

Blómavasi sem ekki hafði gætt að sér og var líklega staddur í leyfisleysi inn á óvinasvæði fékk að kenna á hina nýja vopni. Líklega hefði dauðadagi hans verið annar ef faðirinn hefði ekki nokkru fyrr labbað inn á son sinn munda mk 47 árásarifilinn sinn ( hannaðann úr herðatréi) og var í óða önn að skjóta út um gluggann, skotmörk, saklausir blokkabúar leikandi sér í snjónum. Var strax byrjað að semja um grið fyrir þessa  borgara, vopnahlé staðfest, loforð fengið um að enginn yrði SKOTINN í dag. Labbað út, BÚMMMMM handsprengjuárás .......

Eftir á að hyggja þá  hefði ég líklega átt að fá þetta skriflegt hjá honum, og auðvitað að semja um að enginn yrði DREPINN. 

Kvöldið endaði á því að faðirinn var skotinn með tannkremstúbunni.

Foreldrarnir kenna samfélaginu um, teiknimyndum og bara eitthverjum öðrum um þetta ástand.... 

Annaðhvort verðum við bara að fara að kaupa byssu fyrir strákinn og þá fær hann líklega leið á þessu eða byrja að mæta í kirkju á sunnudögum....................... 

  

 

Fæ mín vítamín úr bjórnum takk fyrir.

Er orðinn hress aftur, byrjaði bara á bjórnum aftur, orðinn miklu betri

 

Horfðum á mynd í gær, leiðinleg mynd í sjálfum sér, nema að umfjöllunarefnið var um 29 ára vinahóp sem var að kjást við þá ömulegu staðreynd sem talan 30 er... Jóna lifði sig inn í myndina en ekki ég,  þar sem ég er ekki nema 28 ára og ætla að verða fullur á næstu helgi........

 Svo þekki ég fullt að fólki sem er, eða er að verða ÞRJÁTÍU ára, eða á maður að segja þekkti????

Þessi er fyrir ykkur 

Setjum forleikinn í stjórnarskránna strax

Forleikur á að vera eign þjóðarinnar, stór alþjóðleg fyrirtæki eiga ekki að geta með villtri auglýsingamennsku tekið þennan sjálfsagða rétt af okkur.

Klásúlan einföld

"forleikur er eign þjóðarinnar"

 Lögfræðingarnir geta svo rifist  um skilgreininguna á forleik.

 Stjórnmálaflokkarnir hljóta geta stofnað þverpólitíska sátt um þetta mikilvæga atriði......

 

Auglýsingaspjald talið særa blygðunarkennd viðskiptavina

Bjór

Það var keyptur fyrir mig kassi af bjór í síðustu viku, Ég hef verið að vinna í að klára þennan kassa, hef alltaf fengið mér einn lítinn carlsberg á kvöldin. Í gær ákvað ég hinsvegar að sleppa bjórnum, eins og það er ekki nóg þá yfir daginn fékk ég mér nokkunn slatta að vítamínum.... núna morguninn eftir er ég kominn með hálsbólgu

 

Hvað er líkaminn minn að segja mér?..... 

Hvar er skrifstofan?

Ég er núna að klára að flytja út úr frystihúsinu, hef unað mér ágætlega í 400 fermetra kaffistofunni þessa 6 mánuði.  Húsið er að verða tómt aftur, það er í lagi það er vant því. Kvótakerfið drap það.

Ekki langt síðan að þetta var eitt stærsta fyrirtækið á Ísafirði, fimmþúsundkallanir sem synda hérna fyrir utan þorpin komu flæðandi inn í þetta risastóra hús. Núna nokkrum kvótakerfisárum síðar er ég að flytja út. 

Ef tómlætistilfinning er orð, þá er það stemmningin sem maður fær þegar maður labbar um húsið,  vinnslusalurinn tómur, allir tómu búningsklefarnir,  kassaloftið, öll klósettin, skrifstofa forstjóra,  reykingarkompunar, tækin, lyftan, kaffistofan og 600 fermetra frystirinn sem hefur ekkert til að frysta. 

Hér voru einu sinni prentaðir peningar, hér kom fólk og fékk pening, hér var peningarstreymi , fólk settist að í kringum þetta hús, byggði sér  minni hús, festi rætur.  

Forsenda minni húsana var hús eins og þetta, þegar það dó, særðust hin, fólk býr í húsum sem misst hafa verðgildi sitt. Þarf að finna aðra leið til að ná sér í pening, þeim leiðum hefur fækkað. Hvort eigum við að öskra á þjófanna eða spara orku og reyna að gera eitthvað annað. Sumir gera bæði, aðrir flytja.

Hérna eru 2 kassar af niðursuðudósum merktum Básafell. ef þú opnar þær eru 2 blöðrur og ópalpakki, hann er  einnig sérmerktur. Ópalið er svoldið gamalt. Við uppgvötuðum að í sumum dósum er miði, þar stendur eftirfarandi texti " VINNINGUR, vinsamlegast nálgist vinninginn ykkar á skrifstofuna" 

 Ég er brjálaður, ég er kominn með 4 vinninga en helvítis kvótakerfið tók skrifstofuna í burtu.....

 

Hvaða leikmenn fær hún

Vonandi heldur hann Lampard og Terry....

Abramovich skilinn við eiginkonu sína til 16 ára

Tölvutengdur á ný

Kári er vel þjálfuður, hann var beðinn um að ná í bjór fyrir pabba sinn, í skápnum voru 3 maltflöskur og þrír bjórar, hann fór inn í ískáp og kom aftur með bjórinn, bauð svo afa sínum og ömmu bjór líka, fór aðra ferð og kom hina tvo, tveggja ára og klikkaði ekki á þessu. þegar hann rétti pabba sínum bjórinn kom liverpool maður í nærmynd. þá öskraði hann " þessi er lélegur"

Ég er karlmaður og græt ekki, en maður á sín erfiðu tímabil....  svoldið klökkur svona

Staðreind:  Ef vinstri grænir fengju að ráða  þá væri bjór ennþá bannaður !!!!!! las þetta eitthverstaðar, varð agndofa, Er að drekka einn akkúrat núna.  

Stór varnargarður fyrir ofan okkur,  þegar maður horfir á hann fer maður að hugsa  hvort skriðuhætta sé af honum sjálfum en það er víst ekki.

Hérna búa mörg þjóðerni, mjög þæginlegt, bara brosað og sagt góðann daginn. Svona alþjóðlegur blær yfir þessu. Mér líður eins og ég sé í útlöndum.

Brjóstin á Jónu eru ekki ennþá sprungin. mjög gott mál, er byrjaður að halda að hún haf aðeins verið að ýkja ástandið, í besta falli vanmetið stöðuna aðeins, er komin á þá skoðun að kvenmannsbrjóst geti ekki sprungið

Lenti í því um daginn að opna þrjá (ég endurtek þrjá ) tekexpakka út af undalegri lykt, auðvitað skipti ég líka út smjörinu og ostinu, hún vill semsagt sex smurð tekex með osti  um LEIÐ og hún finnur til svengdartilfinningu. Mátulegt magn að smjöri verður náttúrulega að vera á kexinu og skiptir líka máli hversu dreift smjörið er smurt. Hlutfall smjörs og osts verður líka að vera rétt annars er kexinu skilað umsvifalaust. Ég smurði semsagt 18 tekex sem voru á endanum ekki borðuð . Varð niðurstaðan í málinu sú að ég hafi keypt vitlausa tegund að tekexi (hélt að vísu að það væri bara ein tegund, en var ekkert að minnast á það) Kári át þetta hinsvegar allt daginn eftir, mjög ánægður og minntist ekkert á lyktina.

Vegna óeðlilega mikis lyktnæmis hennar hefur öllum verið bannað að prumpa á heimilinu. "Sameiginleg" niðurstaða varð sú að viðrekstur væri hvors sem er stórlega ofmetinn þörf.

Ekki þarf að taka það fram að ég smurði öll þess kex með slitið liðband á vinstri löpp.

Sé núna að ég hef gert hræðileg mistök, ég hef ekki minnst einu orði um klámráðstefnuna eða smáralindarbæklinginn, og núna er það bara búið. verð að reyna vera meira svona current,,,á púlsinum um mál líðandi stundar.

Springa brjóst

Konan segir núna á hálftíma fresti að brjóstin á sér séu að springa. Ég hef óneitalega orðið var við að brjóst hennar hafa verið að stækka núna á undarförnu en líst illa á það ef þau springa.....hef leitað í greinum á doktor punktur is en finn ekkert um þetta,

Þar sem brjóst hennar núna eru á stærð við vatnsmelónu get ég ímyndað mér að mikill þrýstingur sé byrjaður að myndast....... 

Vantar upplýsingar um nokkur atriði.

• Þarf ég að láta skólayfirvöld vita, stafar bekknum hennar sérstök hætta af þessu.
  
• Hver eru jaðarmörk sprengjusvæðisins, þar að segja í hversu mikli fjarlægð þarf ég að halda mér og syni mínum frá henni.
• Ef þau springa borgar ríkið fyrir ný. og þá hversu mikið.
• Er eitthvað sérstaklega sem ég þarf að passa eða fjarlæga af heimilinu,,allt oddhvasst o.s.fr
• Hverst vegna er þetta ekki meira í umræðunni í samfélaginu, ég vissi ekkert um að þetta gæti gerst, fyrr en konan mín byrjaði að halda þessu fram statt og stöðugt.
• Og á endanum finnst að við erum on topic, ef þau springa ekki, hversu mikið geta þau stækkað eiginlega, erum við að tala tvöfalt,þrefalt,fjórfalt.....einhver....
  

 

 

 

 

Nýjir kóngar

Sögur herma að nýjir herbalife kóngar séu komnir á Þingeyri, ef áætlanir ná fram að ganga mun sameiginleg þyngd bæjarins minnka um 400 kíló á næstu mánuðum ,,,sem jafngildir því að 6 einstaklingar flytjist úr bænum.

Lýsir þetta slæmu ástandi svæðisins að ekki aðeins eru  einstaklingum að fækka heldur eru þeir að MINNKA líka..... 

 Kóngarnir vildu ekkert kommenta á þessa frétt, sögðust vera of uppteknir í að standast ofsóknir sjoppunar á staðnum og tengdum aðilum.